އަންހެނުންނޭ ތެދުވަމާހޭ

• އަންހެނުންނޭ ތެދުވަމާހޭ

އަންހެނުންނޭ ތެދުވަމާހޭ ހައްގު ހޯދާން އަތުގުޅާލާ
ވަންހަ މިދެކޭ ބަނަ ވިލާތައް ބޯމަތިން އެކުގާ ކަހާލާ
އެންމެހާ ކަނބަލުންގެ ޝަރަފަށް ހައްގުގައި ސާބިތުވެލާ

ހާދަ އަނިޔާއެއް ތަހައްމަލު، އަންހެނުން ކުރަމުންދެޔޭ
ހާދަހާ ވޭނެއް މިބިމުގައި، މަންމައިން އުފުލައިފިޔޭ
ހާދަގިނަ ކެކުޅުމުގެ ހިތިރަހަ، ދައްތައިން ކަރުގައިލަޔޭ

ދެން އިތުރު އަނިޔާ ނުދޭށޭ، ވޭން އަޅާ އެބަ މިހިތުގައި
ފުން ހިތާމައިން ގިސްލެވޭ ގިނަ، ކަންކަމުގެ މިހަނދާނުގައި
ފުން މިނޭވޭ ހުއްޓިދާ ފަދަ ، ހިތްދަތިވި އިހުސާސުގައި

ކޮން ކަމެއް ހޭ ނުކުރަނީ، ކަނބަލުން ދިވެހި ގައުމަށްޓަކާ
ކޮން ހިތެއްހޭ ނުފުރެނީ، މާތް މަންމަ ދިން ލޯތްބަށްޓަކާ
ކޮން މަގެއްހޭ ނުކޮށަނީ، މާތް މާމައިން މިއަދަށްޓަކާ

އިސްތިހާރު